Крыж Еўфрасінні Полацкай — унікальны твор старабеларускага эмальернага мастацтва, помнік пісьменства ХІІ ст., рэлігійная і духоўная святыня беларусаў. Шасціканцовы напрастольны крыж быў выраблены ў 1161 годзе па заказе Прадславы (у манастве Еўфрасінні), дачкі полацкага князя Георгія Усяслававіча, полацкім майстрам Лазарам Богшай для царквы Святога Спаса ў г. Полацку.